Казан марафоны — 2026: Актаныш спортчылары дөньякүләм бәйрәм үзәгендә!
2026 елның 1-3 май көннәрендә Казан шәһәрендә чираттагы XII Казан марафоны гөрләп узды. Быелгы спорт бәйрәме катнашучылар саны буенча рекорд куйды — старт сызыгына 44,5 мең кеше басты. Марафонда Россиянең 85 төбәгеннән һәм дөньяның 37 илеңнән килгән йөгерүчеләр үз көчләрен сынады.
Грандиоз чарада Актаныш районының җыелма командасы да зур активлык күрсәтте.
2 май — 3 км һәм 10 км дистанцияләре
Бу көнне 10 км арага йөгерүдә 13 638 кеше катнашты — бу марафон тарихында бер дистанциядәге иң күп катнашучылар саны булып теркәлде.
Актаныш спортчыларының нәтиҗәләре:
-
3 км дистанциясендә:
-
Фарухшина Аделина — 11:44 минут;
-
Закирова Алмазия — 11:46 минут;
-
Сабирова Лиана — 12:06 минут.
-
-
-
10 км дистанциясендә:
-
Команда тренеры Равил Хаҗиев һәм Актанышның 2 нче санлы урта мәктәбенең 8 нче сыйныф укучысы Хөсәенов Айгиз катнашты. Айгиз 10 км араны 38:55 минутта үтеп, югары әзерлеген күрсәтте.
-
Белешмә өчен: 3 км арага йөгерү — 5-7 нче баскыч ГТО нормативларының төп таләбе булып тора.
3 май — Төп стартлар
Марафонның соңгы көне иң кызу дистанцияләргә — ярыммарафонга (21,1 км) һәм марафонга (42,2 км) багышланды. Бу чакрымнарны багынтырга 21 меңнән артык профессиональ спортчы чыкты.
Актанышлылар дөньякүләм дәрәҗәдәге шушындый зур вакыйганың бер өлеше булып, районыбызның спорт данын лаеклы якладылар. Барлык катнашучыларны да зур җиңүләре белән котлыйбыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев