Рух ныклыгы һәм җиңүгә омтылыш: «Батыр» спорткомплексында инвалидлар спартакиадасы старт алды
Бүген «Батыр» спорткомплексында мөһим һәм көтеп алынган чара – мөмкинлекләре чикләнгән райондашларыбыз арасында традицион спартакиада уза. Көчле рухлы авыл спортчылары дартс, снайпер, армспорт, теннис буенча көчләрен сыный. Узган атнада йөзү һәм шахмат-шашка ярышлары булып узган иде, бүген әлеге бәйге җиңүчеләрен тәбрик итәчәкләр.
Әлеге спорт бәйрәме тагын бер тапкыр көчле рух, җиңүгә теләк һәм уңышка омтылыш каршылыклар алдында бирешмәскә ярдәм итүен күрсәтә. Инвалидлар спартакиадасына Актаныш районының иң тырыш, нык ихтыярлы һәм максатчан спортчылары җыелды.
Паралимпиячеләребезне Актаныш районы башлыгы Ленар Зарипов та котларга килде. Ул спортчылар белән шәхсән аралашты, аларга хөрмәтен, тырышлыклары өчен ихлас соклануын белдерде.
Әлеге чараның максаты – иң көчле спортчыларны билгеләү генә түгел. Спартакиада мөмкинлекләре чикләнгән кешеләр арасында спортны популярлаштыруга, аларның җәмгыятькә тулы канлы интеграциясенә һәм социаль адаптациясенә ярдәм итә. Иң мөһиме – ул катнашучыларны бәйрәмчә атмосфера, бердәмлек һәм үзара ярдәм хисе белән баета.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев