Спортта уңышларыбыз бар

Җиңел атлетика буенча 31 октябрь көнне Алабуга шәһәре беренчелегенә узган ярышта Актаныш балалар һәм яшүсмерләр спорт мәктәбенең 2005-2006 елгы укучылары Чаллы, Зәй, Алабуга, Менделеевскидан килгән яшь спортчылар белән узышып, матур күрсәткечләр белән кайттылар. Динислам Нурлыев 60 һәм 200 метрлы дистанцияләрдә - I, Диана Шәмсиева (остазы Равил Хаҗиев) 60 метрда - II, 200 метрда III урынны яулаганнар. Бәйгедә көчләрен сынаган Зилә Газизова, Газиз Хөҗҗәтов, Рузалим Тимеров, Вилдан Насыйров та унлыкка кергәннәр (остазлары Рузил Тимеров).