Пучы картлар һәм инвалидлар йортында яшь юл хәрәкәте отряды инспекторлары концерт күрсәтте

Бүген Пучы мәктәбе укучылары- яшь юл хәрәкәте отряды инспекторлары Вахитова Зәлинә Назиф кызы җитәкчелегендә ЮХИДИның пропаганда бүлеге җитәкчесе Ләйсән Мөхәмәтова белән берлектә Пучыдагы картлар һәм инвалидлар йортына бардылар.

Биредә тәрбияләнүчеләр алдында өлкәннәр ункөнлеге уңаеннан бик матур, әзерлекле концерт номерлары белән  чыгыш ясадылар. Укучылар өлкәннәргә изге теләкләрен җиткерделәр, истәлек бүләкләре тараттылар.

Ел саен бәйрәмнәрдә яшь юл хәрәкәте отряды өлкәннәрне игътибарсыз калдырмый. Өлкәннәргә карата хөрмәт, игътибарлылык хисе тәрбияләүче Пучы мәктәбе коллективына, мәктәп дирекциясенә зур рәхмәтләребезне җиткерәбез!