Үзегезне һәм якыннарыгызны кайгырту — Яңа елга иң яхшы бүләк!

1. Туклану: нәрсә ашарга һәм ничек әзерләргә

• Табигый продуктларга өстенлек бирегез: яшелчәләр, җиләк-җимеш, майсыз ит, балык, бөртекле культуралар.

• Майлы һәм кыздырылган ризыкларны артык кулланмагыз, татлы һәм кондитер продуктларын чикләгез.

• Ризыкны парда, мичтә пешерегез яки запеканка ясагыз — бу артык майны киметә һәм витаминнарны саклый.

• Суны җитәрлек күләмдә эчегез, бигрәк тә алкогольле эчемлекләр куллану планлаштырылса.

2. Файдалы гадәтләр һәм режим

• Иртәнге ашны калдырмагыз: ул көннең ритмын билгели.

• Чама хисен саклагыз — бер күп итеп ашауга караганда көнгә берничә кечкенә порция ашау файдалы.

• Бәйрәм ашаулары арасында пауза ясагыз, организмга ризыкны эшкәртү өчен вакыт кирәк.

3. Активлык һәм саф һавада вакыт үткәрү

• Кышкы чорда да хәрәкәт кирәк: саф һавада йөрү иммунитетны ныгыта һәм кәефне күтәрә.

• Зарядка яки җиңелчә физик күнегүләр өйдә форманы сакларга һәм стрессны киметергә ярдәм итә.

• Балалар белән урамда уеннар оештырыгыз, чаңгы, чанада шуу — күңелле һәм сәламәтлеккә файдалы.

4. Эмоциональ сәламәтлек

• Бәйрәмнәр шатлыклы вакыйгалар чоры, әмма ял итәргә һәм үзегез өчен вакыт бүлеп бирергә онытмагыз.

• Уку, музыка, өстәл уеннары, якыннар белән аралашу стрессны киметә һәм кәефне яхшырта.

• Артык стресс һәм конфликтлардан сакланыгыз — уңай эмоцияләр иммунитетны ныгыта.

Үзегезне һәм якыннарыгызны кайгырту — Яңа елга иң яхшы бүләк, — дип киңәш итә Миләүшә Хаҗиева.