Кәзкәй–Актаныш автомобиль юлы буендагы агачлар тәртипкә китерелә. «Дорожный Мастер» оешмасы хезмәткәрләре махсус техника ярдәмендә юл кырыенда үсеп, транспорт чаралары хәрәкәтенә комачаулый башлаган агачларны чистарта.
Әлеге эшләр юлның күрү мөмкинлеген яхшырту, техника хәрәкәтенә уңайлы шартлар тудыру һәм машина йөртүчеләр өчен иминлекне арттыру максатыннан башкарыла.
Бүген оешма хезмәткәрләре Кәзкәй авылы тирәсендә эшли. Юл буендагы агачларны һәм куакларны тәртипкә китерү эшләре юл хәрәкәтендә катнашучылар өчен уңайлы һәм куркынычсыз шартлар булдыруга ярдәм итә.
Нет комментариев