Аеш авылында яшәүче Халидә Гаскәровага 90 яшь

Гаскәрова Халидә Хөснетдин кызы 1933 елның 5 гыйнварында туа, аның 90 еллык озын гомер юлы илебез тарихы белән үрелеп бара. Бик яшьли Бөек Ватан сугышы авырлыкларын татыган буын вәкиле Халидә апа бүгенге мул тормышның кадерен белеп яшәргә кирәк,  ди.

Юбилярны истәлекле көне белән район Башкарма комитет җитәкчесенең икътисад буенча урынбасары Лиана Сираева котлап Россия президенты В.В. Путинның тәбрикнамәсен тапшырды. Шулай ук Халидә апага район башлыгы Л. Р. Зарипов та котлау открыткасы белән күчтәнәчләр юллаган.