«Актаныш-информ» хезмәткәрләре «Алдынгылар слеты»нда бүләкләнде
Бүген районыбызның Әлфия Авзалова исемендәге район мәдәният сараенда төрле хезмәт тармакларында 2022 ел йомгаклары буенча зур уңышларга ирешкән алдынгыларны хөрмәтләү тантанасы узды. Әлеге бәйрәмдә «Актаныш-информ» хезмәткәрләре дә катнашып макталдылар.
"Актаныш-информ"ның радиотапшырулар бүлеге корреспонденты Фәния Рәшитова "Үз һөнәренең остасы" исеменә лаек булды. Актаныш районы башлыгы Ленар Зарипов Фәния Шамил кызына "Үз һөнәренең остасы" статуэткасы белән акчалата бүләк тапшырды.
Ә SMM-белгеч Юлай Низаев "Яшь белгеч" номинациясендә җиңү яулап диплом һәм шулай ук акчалата бүләкле булды.
Хезмәттәшләребезне бу җиңүләре белән котлыйбыз, киләчәктә дә уңышлар теләп калабыз.
Следите за самым важным и интересным в Telegram-каналеТатмедиа
Нет комментариев