Терлекчелек тармагының февраль ае нәтиҗәләре

Бүген терлекчелек тармагы буенча хуҗалыкларның февраль ае нәтиҗәләренә багышланган киңәшмә узды. Аны район авыл хуҗалыгы һәм азык-төлек идарәсе җитәкчесе Нәфис Сәлимгәрәев алып барды.

Февраль аеның зәмһәрир салкыннары терлекчелек тармагына да шактый тискәре йогынты ясады. Бу авыл хуҗалыгы һәм азык-төлек идарәсе белгечләре ясаган чыгышларда китерелгән саннардан да күренде. Февраль ае нәтиҗәләре буенча беренче өч урынга ия булган “Башак” хуҗалыгы, “Чишмә” һәм “Әнәк” агрофирмаларының узган елның шул чорына карата ит җитештерүләре ким булу сәбәпле, “Ат” сыны бер хуҗалыкка да бирелмәде, идарәдә калды.