Район башлыгы Ленар Зарипов Казан госпиталендә дәваланучы Рафик Гыйльфановның хәлен белде

"Бүген Казанда булу форсатыннан файдаланып, госпитальдә дәваланып яткан Әлем егете Рафикның хәлен белеп, күчтәнәчләр китердек. 
Терелергә һәм исән-имин туган якларга кайтырга язсын!" дип яза ул үзенең рәсми Телеграм каналында.

Рафик, махсус хәрби операциягә икенче төркем мобилизацияләнгән райондашларыбыз белән киткән иде. Яралангач, дәваланырга дип туган якларына кайтардылар.
Бүгенге көндә хәле яхшы, шөкер, алга таба.