Кичә Күҗәкә авылында махсус хәрби операциядә катнашучы райондашларыбызга ярдәм күрсәтү максатыннан «Без бергә» иҗат төркеменең хәйрия концерты узды. Әлеге чара бер максат – ил сагында торучы егетләребезгә ярдәм итү, аларга рухи көч һәм туган якларыбыздан җылы сәлам җиткерү теләге белән оештырылды.
Чара нәтиҗәсендә махсус хәрби операциядә катнашучы райондашларыбызга ярдәм йөзеннән 17 400 сум акча һәм гуманитар ярдәм җыелды.
Оештыручылар концертта катнашкан һәркемгә, матди һәм рухи ярдәм күрсәткән авылдашларга ихлас рәхмәтләрен җиткерә. Мондый чаралар кешеләрне берләштерә, авыр вакытта бер-береңә терәк булуның никадәр мөһим икәнен тагын бер кат күрсәтә.
«Әлеге чарада катнашкан һәркемгә зур рәхмәт! Иҗат төркеменә киләчәктә дә уңышлар телибез. Ил алдына куелган максатларга бергәләп ирешергә язсын. Егетләребез, абыйларыбыз исән-сау туган якларына әйләнеп кайтсыннар! Илләребез тыныч, күкләребез аяз булсын!» – ди оештыручылар.
Бердәмлек һәм ярдәмләшү – иң авыр чакларда да кешеләрне бергә туплый торган зур көч. Изге эшкә кушылган һәркемгә рәхмәт!
Нет комментариев