Актаныш егете, Махсус хәрби операция ветераны Риваз Рәхмәтуллин – «Абилимпикс»та пицца пешерү остасы

Бу күрсәткеч чемпионатның әһәмиятен тагын да арттыра, чөнки ул махсус хәрби операциядән кайткан ветераннарга:

• Һөнәри реабилитация узу,

• Яңа юнәлешләр һәм һөнәрләр үзләштерү,

• Киләчәк карьераларын ышанычлы үстерү өчен киң мөмкинлекләр ача.

Сынаулар аша – яңа максатларга

«Абилимпикс» – авыр сынаулар аша узган, әмма тормышын яңадан ышаныч белән корырга омтылган кешеләрне берләштерүче мөһим мәйданчык. Ул катнашучыларга үз сәләтләрен ачарга, яңа максатлар куярга һәм аларга ирешергә зур этәргеч бирә.

Әлеге мәртәбәле чарада Актаныш районыннан махсус хәрби операция ветераннары да актив катнаша. Алар арасында якташыбыз Риваз Рәхмәтуллин да бар. Ул «Поварлык эше» компетенциясендә үзенең югары осталыгын күрсәтеп, пицца пешерү буенча катлаулы биремнәрне уңышлы үтәде һәм югары нәтиҗәләргә иреште.

Көчле рух үрнәге

Риваз Рәхмәтуллинның чемпионатта катнашуы – батырлык, түземлек һәм яңа тормышка омтылышның ачык мисалы булып тора. Аның кебек көчле рухлы кешеләр «Абилимпикс» ярдәмендә үзләренә ышаныч таба, яраткан шөгыльләрен үстерә һәм җәмгыятьтә үз урыннарын табып, файдалы булу юлын дәвам итә.

Якташыбызны әлеге уңышы белән котлыйбыз һәм аңа яңа үрләр яулавын телибез!