Алексин районында яшен фаҗигасе: өч кеше гомере өзелгән
Тула өлкәсенең Алексин районында коточкыч хәл булган: пляжга яшен сугып, кешеләр һәлак булган. Бу хакта РИА «Новости» мәгълүмат агентлыгы хәбәр итә.
Фаҗига сәбәпләре ачыклана, дип белдерә Россия Тикшерү комитеты. Һәлак булучыларның саны төгәлләштерелә.
«SHOT» телеграм-каналы хәбәр итүенчә, вакыйга «Шахтер» отель-паркы территориясендәге пляжда булган. Яшен сугу нәтиҗәсендә берничә кеше суда һәлак булган, ярда торган бер хатын-кызның да гомере өзелгән. Тагын алты кеше тән җәрәхәтләре алган.
Соңрак алынган алдангы мәгълүматларга караганда, яшен сугудан соң өч кешенең һәлак булуы расланган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев