Чаллыда яшәүчеләр 74 шәһәрдәшен хәрби хәрәкәткә озатты

Кичә, 25 нче сентябрь көнне Чаллы шәһәре мэры Наил Мәһдиев катнашында 74 ир-егетне Сокурыдагы хәрби-кыр җыеннарына озату оештырылды.  Аларның һәрберсенә шәһәр администрациясе юл чыгымнары өчен резерв фондыннан 20 мең сум акча бүлеп биргән.

Чаллыда яшәүчеләрнең киләсе төркеме 29-30 сентябрьдә Казанга хәрби өйрәнүләргә китәчәк.

Наил Мәһдиев мобилизацияләнүчеләрнең гаиләләре матди ярдәм алачагын хәбәр итте. 1 октябрьдән аларның балалары мәктәпләрдә бушлай тукланачак. Бушлай туклану күп балалы гаиләләргә, инвалид балаларга, эчке эшләр органнары хезмәткәрләре балаларына карата гына гамәлдә иде. Моннан тыш, 1 октябрьдән шәһәр хакимияте СВС зонасында хезмәт итүчеләрнең балалар бакчалары өчен абонент түләве буенча да аерым карарлар кабул итәчәк.