Юл тарифлары арта

Татарстан Республикасының тарифлар буенча Дәүләт комитетының карары белән Татарстанда, шул исәптән Актанышта җәмәгать транспортында йөрү бәясе артты. 

Әлеге канун агымдагы елның 1 гыйнварында гамәлгә керде. Районыбызда җәмәгать транспортында йөрү бәясе моңарчы 18 сум иде. Хәзер исә, билет бәясе 25 сум тәшкил итәчәк. 

Икътисади вазгыятне күзәтсәк, әлеге арту көтелгән күренеш. Җәмәгать транспортында йөрү бәясе озак еллар бер дәрәҗәдә сакланып килгәне дә билгеле.

• Бу үзгәрешләр җәмәгать транспорты структурасының үсешен һәм хезмәт күрсәтү сыйфатын арттырырга ярдәм итәчәге көн кебек ачык.

• Бәя арту ниләр белән бәйле соң? Иң мөһиме — бензин, машиналарга хезмәт күрсәтү, запчасть бәяләре арту. Шул ук вакытта шоферларга хезмәт хакы һәм салымнар түләргә кирәк.