Роспотребнадзор авиарейс соңарган очракта кулланучы хокукларын яклау буенча кайнар линия ачты

Хезмәт белгечләре түбәндәге сораулар буенча киңәш бирә: билетны кире тапшыру мөмкинлеге, акчаны кайтару тәртибе, шулай ук мораль зыян өчен компенсация түләү хокуклары.

Киңәшне Роспотребнадзорның Бердәм консультация үзәге аша бушлай алырга мөмкин:
8 800 555 49 43

Пассажирларның рейс соңарган очракта хокуклары

1. Билеттан баш тарту һәм акчаны кире кайтару хокукы.
Рейс соңарган очракта пассажир билеттан баш тартып, билет бәясен тулы күләмдә кире кайтаруны таләп итә ала. Бу хокук, шул исәптән, кире кайтарылмый торган билетларга да кагыла.

2. Зыянны каплату һәм мораль зыян өчен компенсация.
Пассажир авиакомпаниягә гариза белән мөрәҗәгать итеп, рейс соңаруы нәтиҗәсендә күрелгән чыгымнарны каплауны һәм мораль зыян өчен компенсация түләүне таләп итә ала (мәсәлән, өзелгән экскурсияләр, югалтылган башка рейслар).

Гаризага чыгымнарны раслаучы документларның күчермәләре теркәлергә тиеш. Претензия авиакомпаниягә очып китү яки килү аэропортында тапшырыла. Эчке рейслар очрагында андый мөрәҗәгатьне рейс соңарган көннән алып 6 ай дәвамында юлларга мөмкин.

3. Кичектерелгән килү өчен штраф түләтү хокукы.
Пассажир авиакомпаниядән рейс соңартып килгән очракта һәр тулы сәгатькә 100 сум күләмендә штраф таләп итә ала, ләкин бу сумма билет бәясенең 50 процентыннан артмаска тиеш. Әгәр авиакомпания соңаруга табигать шартлары, техник сәбәпләр, хәвефсезлек куркынычы яки башка форс-мажор хәлләр сәбәп булганын дәлилли алса, түләү таләп ителмәскә мөмкин.

Халыкара рейслар очрагында — Россия Федерациясенең халыкара килешүләре нигезендә билгеләнгән нормалар кулланыла. 

Пассажир бушлай алырга хокуклы булган хезмәтләр

Багажны саклау
7 яшькә кадәрге балалы пассажирларга “ана һәм бала бүлмәсе” бирү

2 сәгать көтүдән соң:
– Салкынча эчемлекләр
– 2 бушлай телефон шалтыратуы яки 2 электрон хат җибәрү мөмкинлеге

4 сәгать көтүдән соң:
– Кайнар туклану
– Соңарулар дәвам иткәндә: һәр 6 сәгать саен (көндез), һәр 8 сәгать саен (төнлә) өстәмә туклану

8 сәгать (көндез) яки 6 сәгать (төнлә) көтүдән соң:
– Гостиницада урын бирү
– Аэропорт–гостиница–аэропорт маршруты буенча транспорт хезмәте күрсәтү

Пассажирлар, шулай ук, авиакомпаниягә гариза әзерләү мәсьәләсендә дә ярдәм алу өчен үз төбәкләрендәге Роспотребнадзор идарәсенә мөрәҗәгать итә ала.