Күрә белик көзнең гүзәллеген

Көз! Һәр тарафта үзгәреш. Күк йөзен әледән-әле болыт каплый, бер ара ялтырап кояш чыга. Халык белми әйтмәгән: көз ае сабый бала кебек- бер елый да, бер көлә.
Җилләре дә үзгә көзнең: кырыс, салкын.
Көз- тынлык ае. Сандугач тавышы тына, күкеләр дә өзгәләнеп баласын эзләми. Тукран гына һаман хезмәттә.
Көз- муллык ае. Бакчаларыбыз тулы яшелчәләр күзне иркәли.
Көз - гүзәл ай. Моңсу булса да. Сагышлы булса да. Аның матур якларын күрә белергә генә кирәк.