Бүген Россия Федерациясе Прокуратурасы хезмәткәрләре көне

Россия Федерациясенең Баш прокуроры Александр Гуцанның Россия прокуратурасы хезмәткәрләре көне белән котлавы:

Хөрмәтле хезмәттәшләр, кадерле ветераннар!

304 елдан бирле Прокуратура закон һәм хокук тәртибе сакчысы. Ул җәмгыять һәм дәүләтнең ышанычлы таянычы.

Бүген илебез җитәкчелеге без алдына стратегик әһәмияткә ия булган бик мөһим бурычлар куя. Аларның чишелеше Россаиянең киләчәгенә зур йогынты ясый.

Прокурорлар бу бурычларны үтәү җаваплылыгын һәр яклап аңлый. Камиллекнең яңа дәрәҗәсенә ирешү һәм прокурорлык күзәтүенең нәтиҗәлелеген арттыру өчен тырышып эшлиләр.

Махсус хәрби операция шартларында безнең хезмәттәшләрнең батырлыгы максималь әһәмияткә ия. Сезнең батырлыгыгыз һәм эшкә тугрылыгыгыз билгеләнгән максатларга ирешүгә кыйммәтле өлеш кертә.

Шул ук вакытта без традицияләрне саклыйбыз. Озак еллар эчендә җыелган бай тәҗрибәгә таянабыз. Бу эшкә керткән өлешләре өчен прокуратура органнары ветераннары олы рәхмәткә лаек. 

Хезмәттәшләр! Тугры хезмәтегез һәм фидакарьлегегез өчен рәхмәтемне белдерәм. Ватаныбыз файдасына кылган тырыш хезмәтегездә уңышлар, ныклы сәламәтлек телим.

Бәйрәм белән!