Татарстан суды райондагы зәркән кибетеннән 4,5 млн сумлык бизәнү әйберләрен урлау турындагы эшне караячак

Татарстанда 2023 елның язында Зәй ювелир салоныннан бизәнү әйберләренең зур партиясен урлау турындагы җинаять эшен тикшерү тәмамланды. Гаепләүләр якын чит илдә туган дүрт кешегә белдерелгән, алар җинаять кылган вакытта Россиянең төрле төбәкләрендә яшәгән. 

Судта ачыкланганча, 2023 елда 13 майдан 14 майга каршы төндә өч билгесез зат перчатка һәм битлекләр киеп Нефтьчеләр проспектындагы сәүдә үзәгенә яшерен рәвештә үтеп керәләр, монтировкалар белән ювелир кибете ишеген ваталар. Алар пыяла витриналарны ватып салоннан 4,5 миллион сумнан артык кыйммәтле әйберләр алып чыгалар. Дүртенче ахириләре аларны урамда машинада көтеп тора.

Алтын-көмеш яратучылар Яңа Чишмә районының бер авылы янында киемнәрен алыштырганнар, иске киемнәрен һәм җинаять коралларын елгага ташлаганнар.

Полиция хезмәткәрләре угрыларны Мәскәү һәм Тольяттида эзләп таба , кибет басуда катнашучыларның барысын да ачыклаганнар һәм тоткарлаганнар. Тентүләр вакытында аларның фатирларында акча һәм ювелир әйберләр алынган. Җинаять эше материаллары судка җибәрелгән. Фигурантлар сак астында, дип хәбәр итә Татарстан буенча Эчке эшләр министрлыгы матбугат хезмәте.