Җир грушагыз бармы- грипптан саклый һәм иммунитетны күтәрә торган үсемлек ул

Уңышны да бәрәңгегә караганда күбрәк бирә.
Топинамбурда организмда глюкозаны үзләштерергә ярдәм итә торган инулин бар. Шуңа да ул шикәр диабетыннан һәм ашказаны асты бизе авыруларыннан интегүчеләр өчен файдалы. Ул шулай ук иммунитетны күтәрергә сәләтле. Аны һәрдаим ашаган кеше грипп белән авырмаска да мөмкин.

Шикәр авыруы вакытында көненә дүрт-биш җир грушасы ашарга кирәк. Аны чи килеш тә, пешереп тә ашарга мөмкин.

Борынга томау төшкәндә, топинамбур согын тамызыгыз.

Реклама
Топинамбурдан запеканка

500 гр топинамбур, 100 гр каймак, 100 гр сыр, 1 бәйләм петрушка

Топинамбурны чистартып пешерәбез дә телемләп турыйбыз. Майлы табага тезеп, өстенә угычтан уылган сыр һәм ваклап туралган петрушка сибәбез һәм каймак агызабыз. Газ мичендә 10-15 минут пешерәбез.