Климатик кыш гадәттәгедән иртәрәк киләчәк

Бу айда ук буран чыгуы көтелә. Илебезнең бер төбәгендә бүгеннән көчле кар ява башлый.

Гидрометеоүзәкнең гыйльми җитәкчесе Роман Вильфанд әйтүенчә, кар Төньяк-Көнбатыш, Үзәк, Ерак Көнчыгыш һәм Идел буе федераль округларында ява. Димәк, Актанышны да урап үтмәячәк. Шунысы бар: кар никадәр генә күп яуса да, озак ятмаячак, эреп бетәчәк, диләр.

Ә чын кыш ноябрь аеның өченче декадасында киләчәк икән. Мәсәлән, Мәскәүдә климатик кыш 23 ноябрьдән соң башлана, Питерда – чак кына соңрак. Температура тотрыклы рәвештә "минус"ка төшә.

Әле генә безнең төбәккә чираттагы антициклон килгән икән, көннәр шуңа бозыла. Юлларда сак булыгыз! Җылы итеп киенегез!