Актанышның 1нче мәктәбенең «Светофор» отряды «Җәяүле!» акциясендә катнашты

Актанышның 1нче мәктәбенең яшь юл хәрәкәте инспекторларын туплаган «Светофор» отряды «Җәяүле!» акциясендә катнашты.

"Җәяүле!" акциясе Татарстан Республикасында 28 ноябрьдән 27 декабрьгә кадәр дәвам итә. Бу чара юл хәрәкәте куркынычсызлыгын пропагандалау максатыннан оештырыла һәм Актаныш районындагы яшьләр арасында хәвеф-хәтәрне киметүгә юнәлтелә. 

Актанышның 1нче мәктәбенең яшь юл хәрәкәте инспекторларын туплаган "Светофор" отряды "Җәяүле!" акциясендә актив катнашты.

Акциядә Юл куркынычсызлыны Дәүләт бюджет учреждениесенең Актаныш районы буенча җитәкчесе Ләйсән Мөхәммәтова, полиция лейтенанты Инсаф Мингазов , тәрбия эшләре буенча директор киңәшчесе Миләүшә Аграпова  һәм педагог-оештыручы Алсу Хафизова яшьләргә юлларда үз-үзеңне тоту кагыйдәләрен аңлаттылар һәм куркынычсызлыкның мөһимлеген ассызыкладылар.

Җәяүлеләрнең исән-имин юлларда йөрүенә ирешү- төп максат!