Минем дә полицейский буласым килә!
«Ромашка» балалар бакчасының әзерлек төркеменә йөрүче балалары полиция хезмәткәрләрен һөнәри бәйрәмнәре белән котларга килде. Балалар алдан ук шатлана- шатлана үз куллары белән открыткалар ясадылар, соңыннан аларны полиция хезмәткәрләренә тапшырдылар. Бу аларның хокук сакчыларына хезмәтләре һәм эшкә тугрылыклары өчен рәхмәт белдерүе булды.
Моннан тыш, балалар эчке эшләр бүлеге музеенда булдылар, анда полиция эше һәм хокук саклау органнары тарихы турында күп кызыклы нәрсәләр белделәр. Экскурсия балаларда зур кызыксыну һәм полиция хезмәткәре һөнәре турында күбрәк белергә теләк уятты.
Актаныш районы буенча дәүләт бюджет Юл хәрәкәте иминлеге учреждениесе җитәкчесе Ләйсән Мөхәммәтова балалар белән юл хәрәкәте кагыйдәләре турында мавыктыргыч әңгәмә үткәрде. Ул юлда кагыйдәләрне үтәүнең мөһимлеге һәм моның тормышны һәм сәламәтлекне саклап калырга ярдәм итүе турында сөйләде. Очрашу азагында Ләйсән Рәдиф кызы балаларга тематик эш дәфтәрләре һәм китаплар бүләк итте.
Следите за самым важным и интересным в Telegram-каналеТатмедиа
Нет комментариев