Әтәс якларыннда сабантуйга бирнә җыйдылар

— И, гүзәл соң безнең сабантуйлар!!! Бүләк җыйдык әле. Сабантуйга бүләк җыю-сабантуйны хөрмәтләү, зурлау, сабантуйның данын еракларга җибәрү дә ул, дип ихлас шатлыклы фикерләре белән әйтте Әтәс авылы китапханәчесе Мәүҗидә ханым Гарипова.

Сабантуй — борынгы, мең еллык тарихка ия бәйрәм. Сабантуй алдыннан бүләкләр җыю —хәзер дә күңелле күренеш. Гадәттә, йорт хуҗасы бүләк җыючыларны капка алдында чыгып, бүләге белән көтеп ала. Бүләк җыюны тагын әле «бирнә җыю» дип тә әйтәләр. Кайбер авылларда бу йолалар онытылып бара инде. Матур гадәтләрнең безнең якларда бүгенге көнгә кадәр сакланып килүе — зур сөенеч.