Якташыбыз зур уңышларга иреште

Әлеге дәрәҗәле бәйгедә Зәлия үзенең югары башкару осталыгын, артистизмын һәм музыка коралын тирәнтен аңлавын күрсәтеп, күпсанлы көчле конкурсантлар арасында аерылып чыкты. Аның чыгышы жюри тарафыннан югары бәяләнеп, иң югары баскычка күтәрелүгә китерде.

Зәлиянең профессиональ саксофончы булып формалашуында аның беренче укытучысы — Мусин Аяз Джон улының роле аеруча зур. Нәкъ менә Актаныш сәнгать мәктәбендә аның җитәкчелегендә тәүге музыкаль күнекмәләр салынган, инструментка мәхәббәт һәм иҗатка омтылыш тәрбияләнгән.

Бүгенге җиңү — Зәлиянең тырышлыгы, сәләте һәм системалы хезмәт нәтиҗәсе. Бу уңыш аның музыкаль юлында мөһим этап булып тора.

Зәлия Сәрвәрованы чын күңелдән котлыйбыз һәм аңа киләчәктә дә музыка дөньясында яңа иҗади биеклекләр, зур уңышлар һәм илһам телибез!