Актаныш көрәшчеләре якташыбыз Ринат Фәрдиев истәлегенә оештырылган турнирдан җиңү белән кайтты
Зәй шәһәрендә якташыбыз, элеккеге Зәй районы башлыгы Ринат Фәрдиев истәлегенә Бөтенроссия көрәш турниры узды. Ике көн дәвамында барган ярышта Актаныш көрәшчеләре дә катнашып җиңүләр яулады.
Ринат Шәех улы Фәрдиев истәлегенә Бөтенроссия көрәш турниры 2021 елдан башлап үткәрелә. Ел саен Актаныш көрәшчеләре әлеге бәйгедә катнашып килә, призлы урыннар алуга ирешә.
Быелгы турнирда Илназ Шәмсиев 1 урын, Адель Нургатин, Айрат Кашапов, Ильяс Шәмсиев 2 урынга лаек булдылар. Көрәшчеләребезне уңышлары белән котлыйбыз.
Актаныш районы башкарма комитетының яшьләр эшләре, спорт, туризм бүлеге һәм спортчыларыбыз турнирга барырга ярдәм иткән, иганә ярдәме күрсәткән «Әнәк» агрофирмасы директоры Фаил Газетдиновка, «Нур» хуҗалыгы җитәкчесе Дәниф Харисовка олы рәхмәтләрен җиткерә.
Следите за самым важным и интересным в Telegram-каналеТатмедиа
Нет комментариев