Аксакалыбыз – җиңүче

Мөхәрриятебезнең аксакалы -"Нурлы гәҗит" редакторы Йосыф Әхтәм улы Хуҗинны киңкырлы эшчәнлегендәге чираттагы җиңүе белән котлыйбыз.
Татарстан Җөмһүрияте мөселманнары Диния нәзарәте үткәргән Мөселман массакүләм мәгълүмат чараларының V"Каләм" бәйгесендә җиңү яулап, "Дини массакүләм мәгълүмат чараларында мөселманнар турында иң яхшы материал" номинациясендә диплом белән бүләкләнде ул.
Илдус хәзрәт Фәиз имзасы белән бирелгән дипломда: "Киләчәктә дә татар журналистикасы үсешенә үзегездән өлеш кертеп, халкыбызны иҗатыгыз белән сөендереп яшәргә һәм милләтебезгә, мөселман өммәтебезгә бергәләп хезмәт итәргә язсын, ислам дине кыйммәтләрен һәр инсан күңеленә ирештерергә насыйп булсын"-дип язылган.