КӨН КАДАГЫНДА: Коррупциягә каршы юнәлештәге хезмәтләре өчен райондашларыбыз хөрмәтләнде (+ФОТОЛАР)

9 нчы декабрьдә Халыкара ришвәтчелеккә каршы көрәш көне уңаеннан, бүген  район хакимияте бинасына  ришвәтчелеккә каршы республикакүләм бәйгенең  муниципаль этабында җиңү яулаган укучыларны хөрмәтләделәр. 

Бүгенге чара кысаларында,  нәтиҗәле хезмәте өчен  күп еллар дәвамында Актаныш муниципаль район башлыгының коррупциягә каршы көрәш мәсьәләләре буенча ярдәмчесе булып хезмәт куйган Илгиз Әмировка, мәгариф идарәсенең баш белгече Камил Әмировка, “Актаныш-информ” ММҮ хезмәткәре Лилия Бәхтиевага, ришвәтчелеккә каршы хезмәтләре өчен, район башлыгы Э.Н. Фәттаховның Рәхмәт хатлары тапшырылды. 

Сүз уңаеннан, Актаныш районында коррупциягә каршы көрәш комиссиясе булдырылган һәм ул нәтиҗәле эшчәнлек алып бара. Комиссиянең рәисе – район башлыгы Э.Н. Фәттахов.