Курск сугышына 70 ел

"Утлы дуга" бәрелешләрендә Ватан язмышы хәл ителде. Безнең армиянең бердәм көче нацистларның планын тар-мар итте. Ватандашларыбыз әлеге бәрелештә олы каһарманлык күрсәттеләр. Алар хөрмәтенә Мәскәүдә беренче җиңү салюты бирелде. Әлеге вакыйга уңаеннан Россия Федерациясе Президенты В.Путиннан Актанышта яшәүче сугыш ветераны Әнәс Суфьян улы Муратовка, Солтанголдан Гайнетдин Салимҗан улы Саматовка, Чәчердән Заһит Зариф улы Зариповка җылы эчтәлекле Рәхмәт хатлары килеп иреште. Россия Президенты Курск сугышында катнашып, батырлык күрсәткән яугирләргә ныклы сәламәтлек, тормышында уңышлар тели.