Татарстанда “омикрон” штаммы таралу сәбәпле өстәмә чикләүләр кертелергә мөмкин

— Президентка һәр көн саен эпидемиологик вазгыять турында җиткереп барыла. Әлегә өстәмә чикләүләр кертү планлаштырылмый, әмма хәлләр үзгәрергә мөмкин. Көндәлек вазгыятьтән чыгып эш итәчәкбез, – дип аңлатып үткән ул. Галимова басым ясап әйткәнчә, чикләүләр кертү турында карар чирләүчеләр саны артуга карап кына түгел, бәлки чирнең авыр яки җиңел кичерелүенә, медицина учреждениеләренең дарулар белән ни дәрәҗәдә тәэмин ителүенә, буш ятак-урыннар санына карап та кабул ителә.

Моңа кадәр хәбәр ителгәнчә, Татарстанда “омикрон” йоктыру очраклары теркәлә башлаган инде. 18 гыйнварга алынган мәгълүматларга караганда, 11 кеше коронавирусның яңа штаммын йоктырган.