Балалар сәнгать мәктәбе укучысы «Көз портреты» ясап Россиякүләм бәйгедә лауреат булды

Сентябрь аенда Чаллының "ДА-ДА" архитектура һәм дизайн мәктәбе "Көз буяулары" Россиякүләм бәйгесе игълан иткән иде. Әлеге бәйгедә республикабызның рәсем сәнгатен үз итүче яшь талантлары катнашты. Шул исәптән Актанышның Балалар сәнгать мәктәбенең рәсем сыйныфында шөгыльләнүче балалар да иҗади эшләрен бәйгегә юллады. Остаз Айрат Сәрвәровның укучысы Язилә Галимуллина 14-18 яшьлекләр арасында мактаулы урынга лаек булды. Мәртәбәле жюри Язиләнең көз кызын "Көз портреты" номинациясендә  III дәрәҗә лауреат исеменә лаек дип таба.

Төсләр балкышы белән көз сылуын сурәтләгән Язиләне һәм аның укытучысы Айрат Изил улын уңышлары белән котлыйбыз, алга таба да яңа иҗади сулыш теләп калабыз.