Чыгарылыш сыйныфы укучыларына ГТОның алтын билгеләре тапшырылды (фотолар)

Унберенчеләр Алия Галимҗанова, Адилә Хөсәенова ГТО хәрәкәтенең 6 нчы дәрәҗә, Гомәр Хуҗин, Илмир Заһретдинов, Элина Мәрдәнова, Аяз Муллагалиев 5 нче дәрәҗә алтын билгеләргә лаек булдылар. Әлеге түштамгаларны һәм аларның документларын спортчы укучыларга тантаналы чыгарылыш кичәсендә район башкарма комитетының спорт һәм туризм бүлеге башлыгы Ленис Вәлиев тапшырды.

ГТОның алтын билгесе югары һәм махсус һөнәри белем йортларына укырга кергәндә дә өстенлек бирә, БДИ тапшырган балларга 5 балл өстәлә.

Уңган егет-кызларны чын күңелдән котлыйбыз, уңышлар теләп калабыз!