Пекиндагы Олимпия уеннарында Актаныш кызы Лиана Ганиеваның да хоккей уйнавын көтәбез

Лиана Ганиеваның Пекинда узачак Олимпия уеннарында катнаша торган Россиянең җыелма хатын-кызлар хоккей командасы составына кертелүе зур уңыш.

Бүген Лиана Альберт кызы Санкт- Петербургның "Динамо-Нева" командасында уйный. Олимпия уеннарында запастагы сакчы буларак катнаша. 

Россиянең хоккейчы кызлары 4 февральдә Швейцария командасы белән очрашты, 5:2 белән җиңү яулады. 
Бүген, 5 февральдә  16.10 сәгатьтә АКШ командасы белән уен көтелә.
7 февральдә Россия чибәрләре Финляндия хоккейчылары белән көчләрен сынаячак.
Россиянең җыелма командасы составында тагын бер татар кызы хоккей уйный- Фәнүзә Кадыйрова, Кукмара кызы безнең Лиананың дусты, кызларны төрле танылган командалар үзләренә чакырып килешүләр төзи.

Соңгы яңалыкларда шуны искәртәләр: көн саен үткәрелә торган ПЦР-тест вакытында хоккейчыларда ковид вирусы барлыгы ачыкланып тора. Безнең спортчыларны бу афәт урап үтсен иде!