Татарстанның мәгариф министры Актаныш гимназиясенең уку алдынгыларын хөрмәтләде (+ФОТОЛАР)

Актаныш сәләтле балалар өчен гуманитар гимназиясендә уку алдынгыларын хөрмәтләү тантанасы 6 май көнне район мәдәният сараенда узды. Татарстан Республикасы Премьер министры урынбасары, мәгариф министры Энгель Фәттахов иң-иң дип табылган өч укучыга ноутбуклар, Республика һәм Россия күләмендә фән олимпиадалары, иҗади бәйгеләр һәм проектлар эшчәнлегендә югары нәтиҗәләргә ирешкән кыз-егетләргә Рәхмәт хатлары һәм акчалата премияләр тапшырды. Шулай ук, гимназиянең мөгаллимнәре дә министрның Рәхмәт хатлары һәм Мактау кәгазьләре белән бүләкләнделәр.