Бүген Актанышка Россия Дәүләт Думасы депутаты Әлфия Когогина килде

Бүген, 6 май көнне Актаныш районына Россия Дәүләт Думасы депутаты Әлфия Когогина килде. Әлфия Гомәр кызы Җиңү бәйрәме уңаеннан ветераннарны зур бүләкләр белән сөендерде. Район үзәгендә яшәгән Тимер Фәрдиевның һәм Олы Имән авылында гомер иүче Гауис Шакуровның өйләрендә булып бәйрәм белән котлады, бүләкләр тапшырды.

Очрашу кысаларында  Әлфия Когогина  Актаныш район башлыгы Энгель Фәттахов белән бергә сәләтле балаларның гуманитар гимназия-интернатта  ачык дәрес - Парламент дәресе үткәрделәр.