Район башлыгы Энгель Фәттахов Бөек Ватан сугышы ветераннарын якынлашып килүче Җиңү бәйрәме белән котлады

Район башлыгы Энгель Нәвап улы Фәттахов  бүген Актаныш районының Бөек Ватан сугышы ветераннары янында булып, аларның хәл-әхвәлләрен белеште, якынлашып килүче бәйрәм белән котлады, Бөек Җиңүнең 76 еллык юбилее белән тәбрикләде, котлау хатларын, бәйрәм пакетларын тапшырды.

Сугыш ветераннары Тимер Фәрди улы Фәрдиев, Гайсә Хисмәтулла улы Хисмәтуллин, Җәүдәт Шәймөхәммәт улы Шаимов, Гомәр Әхмәдулла улы Әхмәдуллин,Тафкил Вәли улы Вәлиев, Гавис Шәкүр улы Шакуров, Миңнегали Сираҗи улы Галиев, Нурфикә Абдул кызы Абдуллина, Вазыйх Фатыйх улы  Шакиров һәм Шаһитимер Хәбибулла улы Хәбибуллинның өйләрендә булып, Бөек Җиңүнең 76 еллыгына багышланган ТР Президенты тәбрикләмәсен, үзенең шәхси котлау открыткасын, күчтәнәч - азык-төлек җыелмалары тапшырды.