Ринат Фәхретдинов: Әни мин катнашкан көрәшне карамый, елый

(Казан, 2 февраль, «Татар-информ», Гадел Әхмәтҗанов). UFC лигасына кергән беренче татар көрәшчесе Ринат Фәхретдинов үзе катнашындагы көрәшне әнисенең карамавы, кайгырып елавы турында уртаклашты.

«Өйдә күпләп туганнар җыела, барысы көрәш карый. Тормыш иптәшем дә күзәтә. Башта алар каршы иде. Сәламәтлегем өчен борчылалар. Ләкин ярты юлда туктап калып булмый. UFC лигасында топ'ка керергә кирәк. Кызым әле кечкенә, аңлап бетерми. Мине телевизордан күреп шатлана. Үскәч горурланыр, дип уйлыйм. Әни гел елый, башка бүлмәгә китә», — диде ул узган матбугат очрашуында.