Татар Ямалысы авыл җирлеге башкарма комитетына яңа җитәкче билгеләнде

Лүзия ханым 1979 елда Бүләк авылында туган, бүгенге көндә дә шунда яши. Авыл тормышы, яшәеше, сулышы белән якыннан таныш дисәк тә арттыру булмас. 2000-2003 елларда Тат. Суыксу амбулаториясендә шәфкать туташы булып хезмәт куя. 2020 елга кадәр Бүләк авылында фельдшер вазифаларын башкара, 2020 елдан бүгенге көнгә кадәр социаль хезмәткәр булып эшли иде. Тормыш иптәше белән 1 кыз, 1 ул тәрбияләп үстерәләр. Лүзия ханымны ихластан котлыйбыз һәм яңа, авыр вә җаваплы хезмәтендә уңышлар теләп калабыз!

Актаныш районы хакимиятенең матбугат үзәге