“Туберкулезны туктатыйк!”

24 март - Бөтендөнья туберкулезга каршы көрәш көне. Быел ул "Туберкулезны туктатыйк!" дигән лозунг астында үтә. Чөнки ул бүгенге көндә киң таралган авыруларның берсе.

Республикада узган ел 1898 туберкулез авыруы очрагы теркәлгән. Шуның 189ы төрмәләрдә, 26 очрак чит ил гражданнарына туры килә. 32 кеше башка территорияләрдән кергән. 52 очрак сукбайларда.

Туберкулез авыруыннан үлүчеләр саны 2010 ел белән чагыштырганда кимегән. Авыручыларның 67,4 проценты 18-49 яшьтәгеләр. 14 яшькә кадәрге балалар 3,9 процент. Яшүсмерләр 1,2 процент.

Безнең районда 2011 елда 8 туберкулез авыруы очрагы теркәлде.