Татарстан Республикасында шәхси ярдәмче хуҗалыкларга ярдәмне арттыралар
2027 елдан башлап, Татарстан Республикасы бюджетыннан ШЯХ алып баручы гражданнарга сөт юнәлешендәге мини-фермалар төзүгә киткән чыгымнарның бер өлешен каплау өчен субсидияләр бирү тәртибенә яңа ярдәм чаралары өстәлә — эре мөгезле терлекне ашату өчен технологик мини-фермалар төзүгә киткән чыгымнарның бер өлеше капланачак (сөт фермаларына булган гамәлдәге ярдәмгә өстәп).
Азык һәм ветеринария хезмәтләре бәяләренең артуы, шулай ук сөтне әзер продукция итеп сатып алу бәяләренең түбәнәюе белән бәйле рәвештә, ШЯХның финанс тотрыклылыгын тәэмин итү максатыннан, гамәлдәге тәртип буенча савым сыерларын, сарыкларны, кәҗәләрне һәм бер яшьтән өлкән кәҗә бәтиләрен тотуга киткән чыгымнарның бер өлешен каплау өчен субсидия күләме — бер сыерны тотуга 6,3 мең сумнан 10 мең сумга кадәр арттырыла.
ШЯХ алып баручы гражданнарга токымлы бозаулар һәм беренче тапкыр бозаулаган сыерлар, шулай ук үгез бозаулары сатып алуга субсидия бирү тәртибенә үзгәрешләр кертелә. Хәзер үгез бозауларын юридик затлардан гына түгел, ә шәхси эшмәкәрләрдән, шулай ук крестьян (фермер) хуҗалыклары башлыкларыннан да сатып алырга мөмкинлек бирелә.
Әлеге чаралар шәхси ярдәмче хуҗалыклар тотучы авыл кешеләренә сизелерлек ярдәм булачак һәм республиканың агросәнәгать комплексын үстерүгә, азык-төлек иминлеген арттыруга һәм авылда социаль-икътисадый хәлне яхшыртуга ярдәм итәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев