Ташкабаклы-бәрәңге коймаклары: җәйге табын өчен тәмле ризык

Ташкабаклы-бәрәңге коймаклары өчен катлаулы ингредиентлар кирәкми. Яңа ташкабак һәм бәрәңгедән әзерләнгән әлеге ризык иртәнге ашка да, төшке табынга да туры килә.

Кирәкле ингредиентлар:

• ташкабак — 900 г;
• бәрәңге — 300 г;
• суган — 100 г;
• он — 4 аш кашыгы;
• йомырка — 2 данә;
• каймак (сливки) — 50 мл;
• яңа укроп;
• борыч — тәменчә;
• тоз — тәменчә;
• кыздыру өчен үсемлек мае.

Әзерләү тәртибе:

Ташкабак һәм бәрәңгене чистартып, вак угычтан уарга. Артык суын сыгып алырга.

Суганны чистартып, эре угычтан уып, ташкабак һәм бәрәңге өстенә кушарга.

Әлеге массага он, йомырка, каймак, вак итеп туралган укроп, тоз һәм борыч өстәп, яхшылап болгатырга.

Табага бераз үсемлек мае салып, кыздырырга. Әзер массаны кашык белән салып, коймаклар формалаштырырга.

Ташкабаклы-бәрәңге коймакларын уртача утта ике ягын да алтынсу төскә кергәнче кыздырырга.

Әзер коймакларны җылы килеш каймак белән бирергә мөмкин.

Ташкабакның йомшаклыгы һәм бәрәңгенең туклыклылыгы берләшкән бу ризык җәйге табын өчен тәмле һәм җиңел вариант булачак.