Актаныш районы турында
Актаныш районының территориясе 2037,8 кв. км-ны тәшкил итә. Хәзерге вакытта Актаныш районында 28 534 кеше яши. Актаныш районының үзәге- Актаныш авылы.
Татарстан Республикасының Актаныш районы республиканың төньяк-көнчыгышында урнашкан, Башкортостан һәм Удмуртия республикалары белән чиктәш. Район 26 авыл җирлегеннән тора, алар 87 торак пунктны үз эченә ала.
Актаныш муниципаль районы территориясе 2037,8 кв. км, шуларның 1251,44 кв. км авыл хуҗалыгы билгеләнешендәге җирләр; урман мәйданнары 154,38 мең кв. км тәшкил итә. Район территориясе көньяктан төньякка 60 км, көнбатыштан көнчыгышка 48 км.
Актаныш районының үзәге булган Актаныш авылы Татарстанның төньяк-көнчыгышында, Казаннан Көнчыгышка таба 381 км ераклыкта урнашкан. Аның янәшәсендә Түбән Кама сусаклагычы бар, Нефтекама тимер юл станциясеннән көньякка таба 65 км ераклыкта. Районның көньяк өлешеннән М-7 федераль автомобиль юлы үтә.
Халкы, территориясе
Биредә 2002 ел башыннан 32456 кеше яши, шуның 98,07 процентын татарлар, 1,83 процентын марилар, калган өлешен руслар, башкортлар һәм башка халык вәкилләре тәшкил итә.
Район 1930 елның 10 августында төзелә, 1963 елның 1 февралендә Минзәлә колхоз-совхоз территориаль – производство идарәсе составына кушыла, ә 1965 елның 12 гыйнварыннан кабаттан оештырыла. 2037,8 кв. км мәйдан били. Шуның 109882 гектарын авыл хуҗалыгы, 97,2 мең гектарын сөрү җирләре тәшкил итә, бөтен җирнең 8,9 процентын урман-куаклыклар алып тора. Ә электән Ыктан Агыйделгә кадәр араны нарат урманы каплап торган, 1848 елгы мәгълүматларга караганда, Минзәлә өязендәге (безнең як шунда керә) җирләрнең 69 процентын урманнар биләгән булган.
2021 нче елгы мәгълүматлар буенча Актаныш районында 28 534 кеше яши.