“Россия йөрәге” Бөтенроссия гаилә учагын Актанышка Венера һәм Алмаз Сабитовлар гаиләсе алып кайта

2024 елның 23 гыйнварында Мәскәүнең Халык хуҗалыгы казанышлары күргәзмәләр залында Россиядә Гаилә елын ачу тантанасында  Бөтенроссия гаилә учагы кабызылды.

Барлык федераль округлардан җыелган яшь гаиләләр гаилә учагының кыйпылчыкларын үзләренең регионнарына алып кайттылар. Нәкъ менә шушы Гаилә учагы бүген республика районнары буйлап сәяхәт итә.

Бүген әлеге тарихи утны Мөслим районы вәкилләре Актаныш районына тапшырды. Тантаналы чарада район башкарма комитет җитәкчесенең социаль мәсьәләләр буенча урынбасары Дилбәр Әнвәрова сәламләү сүзләрен җиткерде. 

Гаилә учагын мөслимлеләрдән Актаныш районы Киров авылында яшәүче күп балалы үрнәк гаилә-Алмаз һәм Венера Сабитовлар  кабул итеп алды. 

Районыбызның тантаналар залында әлеге уңайдан бүген зур бәйрәм чарасы көтелә.