Киров авылында көзге ярминкә: Рәхим итегез!

Ярминкәдә һәркем канаша ала. Үзегезнең бакчада, җир кишәрлегендә үстерелгән җиләк-җимеш, яшелчә, башка төр авыл хуҗалыгы продукциясен сата аласыз. Шулай ук күңелегезгә ошаган товарны сайлап алу мөмкинлеге дә зур булачак.

Ярминкәнең программасын оештыручылар сату-алу белән генә чикләми. Программада җыр, бию, музыкаль уеннар, ярышлар үткәрү дә каралган. Шулай ук иң зур кабак, бәрәңге, суган, сарымсак үстерүчеләр билгеләнәчәк. Кызыклы булып үскән яшелчәләр бәйгесе, "Көзге мода", "Көз чибәре" конкурслары да ярминкәне ямьләп, бәйрәмгә әверелдерәчәк.

Якшәмбе ялыгызны тагы да истәлекле итеп уздырасыгыз килсә, Киров ярминкәсенә рәхим итегез!