Күңелле һәм файдалы җәй!
Җәйге каникуллар — балаларның ял итү, көч туплау һәм яңа тәэсирләр вакыты. Яңа Җияш авылында бу көннәр аеруча күңелле, җанлы һәм файдалы үтә.
Җәй дәвамында мәдәният хезмәткәре Эльмира Мирзаханова җитәкчелегендә балалар өчен күптөрле чаралар оештырыла. Иң көтеп алынган вакыйгаларның берсе — Балалар Сабан туе булды. 
Малайлар һәм кызлар милли уеннарда актив катнаштылар, җитезлекләрен күрсәттеләр һәм күтәренке кәеф алдылар. Моннан тыш, яшьләребез өчен дәртле дискотекалар узып тора.
Табигатьне яратырга һәм сакларга өйрәтү максатыннан, балалар белән табигать кочагына экскурсияләр оештырылды. Саф һавада үткәрелгән бу мизгелләр барысының да күңеленә хуш килде.
Тарихи-мәдәни мирасыбызны өйрәнү дә игътибардан читтә калмады. Авылыбызның өлкәннәре һәм балалар бергәләп Әнәк авылына юл тотты. Анда Шәрип Шәймиев музей-йортында булып, тарихыбызны өйрәнеп кайттылар, шулай ук «Бабайда кунакта» ял паркында ял иттеләр.
Бу чаралар балаларга матур истәлекләр, яңа белемнәр һәм дуслык хисләре бүләк итте. Яңа Җияш авылында җәйге яллар актив һәм эчтәлекле дәвам итә!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев