Теплицаның туфрагын кайчан алыштырырга?

Теплицаның туфрагын бактерияләр, гөмбәчекләр, кортлар һәм төрле чирләрдән химик препаратлардан башка да арындырып була.

Эш тәртибе:

1. Төп чистарту
   • Теплицаның эчен, туфрагын узган елдан калган чүпләрдән, тамырлардан чистартыгыз.
   • Көрәк очы белән җирне йомшартып чыгыгыз.
   • Поликарбонатның эчке һәм тышкы якларын кер сабыны җебетеп салынган су белән юыгыз.
2. Җирне эшкәртү
   • Пешекләү ысулы — иң таралган һәм нәтиҗәлесе. 60 градуслы кайнар суны 1 кв. метрга 3 чиләк чамасы сибегез. Аннан түтәлне полиэтилен пленка белән каплагыз. Бу ысул бөтен личинкаларны, кортларны, гөмбәчекләрне һәм бактерияләрне юк итә. Иң мөһиме: су температурасы 60 градус булырга тиеш, әгәр 100 градуслы су куллансагыз, җирнең файдалы матдәләре юкка чыга. Ике көннән пленканы алыгыз.
   • Марганцовкалы су белән эшкәртү дә файдалы.
   • Фитоспорин белән дә эшкәртергә мөмкин: 100 гр фитоспоринны 1 литр суда җебетеп, аннары 9 литр суга кушыгыз. Бу катнашма белән теплицаның бөтен җирен юдырыгыз.
3. Җирне эшкәрткәннән соң
   • Бу ысулларның кайсын гына куллансагыз да, 7–10 көннән соң гына үсенте һәм орлыкларны утыртырга мөмкин.
   • Теплицаның туфрагын һәр 4–5 ел саен яңартып тору киңәш ителә.

Бу киңәшләрне үтәп, теплицагызда химик препаратларсыз да чиста, сәламәт  зур уңыш алырга була.