Актанышның 2нче санлы мәктәбендә хәйрия ярминкәсе һәм «Карга боткасы» бәйрәме узды
Актанышның икенче санлы мәктәбендә Яз һәм Хезмәт бәйрәме уңаеннан зур хәйрия ярминкәсе узды. Мәктәп коллективы, укучылар һәм әти-әниләр бердәмлеге нәтиҗәсендә игелекле чара югары дәрәҗәдә оештырылды.
Ярминкә барышында барлыгы 124 300 сум акча җыелды. Бу изге эшкә үз өлешен керткән, һәрвакыт мәктәбебезнең төп таянычы булган хөрмәтле әти-әниләребезгә, тырыш класс җитәкчеләренә һәм актив укучыларыбызга зур рәхмәтебезне белдерәбез, -ди мәктәп директоры Рәйхан Галимьянова.
Ярминкәдән кергән 124 300 сум акчаны мәктәп коллективы елдагыча районыбыз волонтерларга тапшырылачак. Алар әлеге акчларга махсус хәрби операция зонасында неоцизмга каршы көрәшүче якташларыбыз — солдатлар өчен гуманитар ярдәм әзерләячәкләр.
Бәйрәмнең тагын бир күркәм бизәге — борынгы йола «Карга боткасы»н да кунаклар бик яратып кабул иткән. Ярминкәдә катнашкан һәркем мәктәпнең оста пешекчеләре әзерләгән тел йотарлык тәмле ботка белән сыйланган. Бәйрәм табынын әзерләгән һәркемгә рәхмәт — сезнең хезмәтегез һәркемнең күңеленә хуш килде!
Якынлашып килүче Яз һәм Хезмәт бәйрәме белән сезне! Күңелләрегездәге игелек нуры сүнмәсен, кылган яхшылыкларыгыз үзегезгә меңе белән әйләнеп кайтсын.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев