Актаныш якташлыгы махсус хәрби операциядә катнашучыларга концерт оештыра

Бу концерт зур масштабка ия. «Анда дүрт халык артисты, биш Татарстанның атказанган артисты, Татарстанның атказанган мәдәният хезмәткәрләре, популяр артистлар, җырчылар булачак. Шул исәптән «Агыйдел» дәүләт җыр һәм бию ансамбле, «Риваять» этно-төркеме дә чакырулы. Концертта хәрби операциядә катнашучы егетләр үзләре дә чыгыш ясаячак», - диде оештыручы.

«Шулай ук без махсус хәрби операциядә катнашучыларның гаиләләренә, балаларына Актаныш якташләр җәмгыяте исеменнән бәйрәмнәрдә бүләкләр тапшырабыз. Актаныш район үзәгендә гаиләләрен җыеп зур итеп очрашу да оештырдык. Анда администрация җитәкчеләре, районның имамы булды. Мин үзем бронялы УАЗ патриот машинасы да бүләк иттем. Әлбәттә, елга берничә тапкыр оешмадан азык-төлек төяп машиналар җибәрәбез. Без һәрвакыт егетләргә ярдәм итәргә тырышабыз, чөнки алар безнең илне саклыйлар!», - диде Вәсим Вахитов.