Менделеевск шәһәренең берничә мәктәбенә мина куелу турында хәбәр иткәннәр

           Бу хакта МЕНДЕЛЕЕВСКИЕ НОВОСТИ яза. 

          Мәгариф учреждениеләренең җитәкчелеге әлеге куркыныч хәбәрне белеп алуга инструкция буенча эш итә, оператив хезмәтләр тиз арада балаларны эвакуацияли. Мәктәпләрне тикшерү барышында укучыларның һәм укытучыларның тормышына, сәламәтлегенә куркыныч тудырган предметлар табылмый. Хокук саклау органнарының тикшерүләрен  аңлап кабул итүләрен сорыйбыз, диелә сайттагы язмада. 

        Башка мәктәп һәм балалар бакчаларыннан балаларны эвакуацияләү дөреслеккә туры килми. Тикшерү уздырылган мәктәпләрнең икенче сменасында укучылар бүгенгә дәресләрне дистанцион үзләштерәчәк.