Рөхсәтсез реклама

Район прокуратурасы тарафыннан рекламага кагылышлы закон бозу очраклары тикшерелде. Тикшерү барышында шәхси эшмәкәр Рәшит Габдуллинның, күпфатирлы торак йортның тышкы як стенасына, әлеге йортта яшәүчеләрнең ризалыгын алмыйча һәм авыл җирлеге башкарма комитетыннан рөхсәт сорамыйча гына реклама панносы урнаштырганлыгы ачыкланды.
Әлеге гражданга карата Административ хокук бозулар турындагы кодексның 14.37 маддәсендә каралган кагыйдәләрне бозганы өчен административ хокук бозу турында эш кузгатылды, һәм материаллар Татарстан Республикасының Арбитраж судына җибәрелде.